Allar matvørurnar hjá Grøn Balance eru vistfrøðiligar og bera danska Ø-merkið ella EU-merkið.
Røktarrøðin bæði til vaksin og børn er vegansk, uttan nakrar heilt fáar vørur. Tað sært tú við at leita eftir sólblómumerkinum.
Bæði røktarrøðin, barnarøðin og reingerðarrøðin eru góðskuváttaði í samstarvi við Astma-Allergi Danmark og Nordisk Miljømærking (Svanamerkið).
Grøn Balance hevur alt til húsarhaldið og ta persónligu vælferðina.
Bæði frískar og frystar matvørur, mat í dós og krukkum og turran mat so sum mjøl, kaffi, rís o.a. Eisini er alt til reingerð, so sum húsarhaldsápa, skúrikrem, uppvaskitablettir og vaskievni til klæðini. Til kroppin er alt frá lotion, sjampo og andlitsreins til neglalaksloysara, feittstift og fótakrem. Børnini hava eisini møguleikan at fáa eina reina og grøna byrjan við tunnu og ovurviðkvæmisvinaligu blæunum og við øllum til teirra viðbreknu húð, so sum lotion, olju, kropssjampo, vátserviettar, sinksalvu og mangt, mangt annað.
Grøn Balance úrvalið veksur í heilum, so tað er at halda eyga við nýggjum vørum. Manglar tær okkurt, so er at skriva til okkara við uppskotum og vit kanna møguleikan at gera títt ynski til veruleika.
Finn Grøn Balance vørur í Bónus, Mylnan og Miklagarður.
Tað danska merkið fyri vistfrøði setur eitt sindur strangari krøv enn ES.
Vistfrøðiligir framleiðarir, sum eru við í skipanini, skulu lúka nøkur krøv fyri framleiðsluhættir og djóravælferð, og myndugleikarnir halda eftirlit við, um ásetingarnar um vistfrøði verða hildnar.
Merkið sæst eisini á vistfrøðiligum matvørum úr útlondum, um tey eru tilgjørd í Danmark.
Viðgjørdar vistfrøðiligar matvørur, so sum livurpostei, súltutoy og ymiskir liðugrættir hava ikki loyvi at hava í sær eftirgjørd søtevni ella krydd, og nógv færri íblandingarevni eru loyvd enn í teimum vanligu framleiddu matvørunum.
Tað felags merkið fyri vistfrøðiligar vørur í ES, sum samsvarar tí danska reyða Ø-merkinum.
Tá ein matvøra er merkt við vistfrøðimerkinum hjá ES, verður víst til at vøran er vistfrøðilig og er framleidd við eftirlifti eftir ásetingunum í reglugerðunum um vistfrøði í ES.
Vistfrøðiligar matvørur eru framleiddar á ein hátt, har tað verður tikið hædd fyri umhvørvinum og djóravælferð allan vegin frá mold til borð.
Matvørur, sum eru merktar vistfrøðiligar, skulu vera framleiddar av matvørum, sum koma frá góðkendum vistfrøðiligum landbrúki. Harafturat skulu tey halda serstøk krøv um samanseting og tilevning. Tær mugu undir ongum umstøðum vera framleiddar við at nýta GMO ella jóningsstráling.
Astma-Allergi Danmark arbeiða fyri, at øll sum eru merkt av astma, ovurviðkvæmi, hoyfepuri og eksem fáa ein betri gerandisdag. Fyri at vørurnar kunnu fáa tann bláa kransin, skulu tey megna at lúka nøkur aðalkrøv. Tær mugu ikki innihalda eitt nú luktilsi, formaldehyd, MI osfr. Litevni vera ikki loyvd í samband við húðina. Tær merktu vørurnar, skulu gera tað lættari at skerja vandan fyri at menna kontaktovurviðkvæmi og sleppa undan ávísum evnum (eitt nú, um tú hevur ovurviðkvæmi)
Tað almenna norðurlendska umhvørvismerkið. Svanamerkt húð- og hárrøktarvørur eru uttan MI og onnur haldevni, sum eru flokkaði at vera ovurviðkvæmiselvandi. Tær eru somuleiðis uttan parabenir og onnur evni, sum eru á listanum hjá ES yvir evni, sum eru undir illgruna at vera hormonórógvandi. Svanamerkið setur eisini strong krøv til pakkitilfarið á røktarvørum – bæði í sambandi við mongd, slagi og innihaldi av evnum í pakkitilfarinum. Endamálið við svanamerkinum er at skerja umhvørvisbyrðuna av samlaðu nýtsluni – menniskjum, umhvørvinum og jarðirnar tilfeingi til gagns.
Sólblómumerkið er eitt skrásett vørumerki og eitt symbol fyri veganskan/”dýra-frían” standard. Tað vil siga, at vørurnar eru framleiddar uttan dýraevnistilfar og uttan at nýta djór í framleiðslu- og menningsgongdini sum heild. Merkið er at finna á fleiri túsund av dýra-fríum vørum, sum eru skrásett hjá The Vegan Society. The Vegan Society er ein vælgerandi felagsskapur úr Stóra Bretlandi, ið virkar fyri og stuðlar tí veganska lívsstílinum. Veganisma er ein háttur at liva uppá, ið – so leingi tað er gjørligt og praktiskt- leitar eftir háttum at útihýsa allar hættir at nýta djór til mat, klæði og onnur endamál. Felagsskapurin bleiv mentur í 1944 av einum bólki av vegetarum, ið viðurkendu tær etisku neyðsemjurnar við at eta egg og mjólkaúrdrátt.
Ullintar troyggjur, ullintar hosur, ullint undirklæðir - pløgg føroyingar hava nýtt í fleiri árhundrað og sum flest allir føroyingar enn nýta.
Men hvussu ansar ein best sínum ullintu klæðum, soleiðis at tey halda so leingi sum gjørligt?
Her er ein vegleiðing:
1. Ull skal bert vaskast, tá hon er skitin. Tað er ikki neyðugt at vaska ull so ofta. Tú kanst lættliga ganga í ulltroyggjuni fleiri ferð, áðrenn hon skal vaskast. Eitt nú kanst tú hanga ullina út á snór, gjarna í ráligum veðri. Ella tú kanst hanga hana á eitt akslatræ í baðirúminum, tá tú ert í bað. Tað er bæði galdandi fyri ullklæðini hjá børnunum og fyri tína ulltroyggju. Er plettur komnin á klæðini, kanst tú stoyta eitt sindur av ull vaskievni á plettin og leggja klæðini í ein plastikkposa. Lat posan standa yvir nátt og vaska tey síðan í maskinuni á ullprogrammi. 2. Nýt ullvaskievni Tað eru nógv ullvaskievni at velja ímillum. Vaskievnið til fínt vask hjá Grøn Balance hevur bæði Svanamerkið og Bláa kransin, sum ger tað til eitt umhvørvisvinaligt og heilsubetri val. Tað er umráðandi, at tú skamtar ullvaskievni rætt. Ov nógv vaskievni ger, at klæðini gerast kleimin. Ov lítið av vaskievni ger, at klæðini ikki fáa ta neyðuga vætuna og viðgerðina, sum heldur ullini í góðum líki. Tú kanst lesa vegleðingia til rætta skamtin aftan fyri at dunkinum. Nýt ongantíð skolievni til ull. 3. Nýt ullvaskiprogramm á maskinuni. Vaskimaskinur eru ymiskar, men tær flestu hava ullprogrammir, tú kanst velja. Tað er nokk at vaska ullklæðini á 30 hitastigum, fyri at fáa tey rein. 4. At turka ull Lat ikki ullina liggja í maskinuni. Ullin hevur tað best við at vera hongd upp at turka beinaveg. Ull turkar nógv skjótari enn vanligt bumull. Stórar ulltroyggjur skulu ikki hangast upp á snór ella á eitt akslatræ. Tær geva seg nógv, tá tær eru vátar, og blíva tískil toygdar av at hanga. Tá er betri at leggja tær á eitt handklæði á gólvi at turka. Góðan vaskihug :) Grøn Balance finnur tú í Bónus, Mylnan og Miklagarður
Dámar tær at hava vælrøktaðar hendur? So er at nýta mildar vørur til hendurnar í gerandisdegnum.
Neglalaksloysarin hjá Grøn Balance er uttan acetone, mildur og úrslitagóður og kann nýtast hvønn dag. Lat neglalaksloysaran vera á neglini í 10 sek og turka neglalakkið av við vatti. Vaska hendurnar við mildu hondsápuni og smyr tær síðan hendurnar við hondkreminum frá Grøn Balance.
Allar vørurnar eru veganskar og hava bæði svanamerkið og bláa kransin.
Næstan líka so gott sum ommusa súltutoy.
Grøn Balance hevur fleiri ymisk sløg av vistfrøðiligum súltutoyi. Við góðum jøvnum smakki og søtleika er tað perfekt uppá breyð ella í kakuna.
Royn eitt nú gamla kenningin ‘Abbasa skeg’ við súltutoyi frá Grøn Balance. Abbasa skegg 125 g av sukri 4 eggjablommur 300 g av hveitimjøli 2 tsk av bakipulvuri 1½ dk av mjólk Fylla 1½ dl av jarðberjasúltitoyi - ella tað slagið tær dámar best. Marengs: 4 eggjahvítar 250 gr av sukri Soleiðis gert tú: Rør smørið og sukrið væl saman, so tað gerst bleytt. Rør eggjablommurnar í, eina í senn. Stoyt mjøl og bakipulvur í og blanda við mjólkini. Stoyt deiggið í eina skuffu (30x40cm) og baka í 15 min við 170°. Tak kakuna út og smyr varisliga súltuitoyið á. Píska eggjahvítnarnar stívar og stoytt sukrið í, eitt sindur í senn. Smyr marengsið omaná og baka við 170° í 15-20 min. Vælgagnist :)
Tað veganska valið er ikki bara tað, tú etur. Tann djóravinaligi livihátturin fevnir eisini um húðrøkt.
Røktarrøðin hjá Grøn Balance er vegansk og hevur Sólblómumerkið. Tað vil siga, at vørurnar eru framleiddar uttan dýraevnistilfar og uttan at nýta djór í framleiðslu- og menningsgongdini sum heild.
Einastu vørurnar, ið hava uppruna frá djórum er hárvoksið og feittstiftin, sum innihalda býfluguvoks. Tó skal dentur vera lagdur á, at býflugurnar ikki doyggja, tá býfluguvoksið verður innsavnað.
Við Grøn Balance kanst tú bæði taka hædd fyri umhvørvinum, tíni heilsu og djóravælferðini.
Grøn Balance er at fáa í Miklagarði, Bónus og Mylnuni.
Húðin á andlitininum er eitt tað mest ábæra staðið á kroppinum.
Tískil er umráðandi, at vit verja húðina. Dagkrem verja húðina á andlitinum móti dálking, sól, kulda og at torna av eitt nú telduskermum o.ø.
Dagkremið hjá Grøn Balance er uttan luktilsi og óynsktum evnum og gevur húðini verju.
Brúkararáðið, Tænk, viðmælir dagkremið hjá Grøn Balance og gevur tí ta grønu kolbuna.
Les viðmælið hjá Tænk her: https://goo.gl/EiA2Yg
Grøn Balance vendir kikaranum móti Føroyum og ætlar at stimbra tann vaksandi áhugan og tilvitanina hjá føroyingum um vistfrøði og umhvørvi.
Vit vilja, at tað skal vera lætt at velja rætt! Grøn Balance er eitt danskt vørumerki, ið fæst við at gera gerandisvørur grønari, eitt nú matvørur, reingerðarvørur og vørur til persónliga røkt. Matvørurnar eru allar vistfrøðiligar. Vørurnar til røkt og reingerð eru allar mentar í samstarvi við Astma-Allergi Danmark og hava Svanamerkið.Vilt tú vera við til at menna Grøn Balance og soleiðis fáa eitt størri og betri úrval til tín og tíni næstu, kanst tú skriva tína afturboðan her á síðuni. Grøn Balance fæst í Bónus, Miklagarði og Mylnuni.
Tá tú keypir vistfrøðiligt grønmeti sleppur tú undan eini rúgvu av skaðiligum týningarevnum (pesticidum) og tungmálmi.
Vistfrøðiligt grønmeti inniheldur minni av vatni fyri hvørt kilo enn vanligt grønmeti, og tískil inniheldur tað meiri føðsluevni og smakkar av meira. Eitt nú hevur vistfrøðiligt grønmeti hægri innihald av flavonidum, sum eru antioxidantar, sum sigast at kunnu fyribyrgja krabba.
Grønmeti frá Grøn Balance er alt frá neyvt útvaldum veitarum, ið tryggja bestu dygd og besta smakk fyri rætta prísin. Allar vørurnar eru vistfrøðiligar og merktar við Ø-merkinum, ES-merkinum, ella báðum tveimum.
Grøn Balance hevur eitt fjølbroytt úrval av vistfrøðiligum grønmeti og frukt.
Tú fært Grøn Balance í Miklagarði, Bónus og Mylnuni.
Vistfrøðiliga havragrýnið hjá Grøn Balance vann 6 stjørnur, tá Søndagsavisen royndi ymisk havragrýn.
Havragrýnið fekk sostatt tað mest loyvda tali av stjørnum. Tað er millum annað vegna teirra deiliga, broyskna mandlusmakk, at havragrýnið skilir seg úr mongdini.
Havragrýnið hjá Grøn Balance hevur Ø-merkið, Svanamerkið og somuleiðis Lyklaholið, sum er føðslumerkið fyri sunnan kost.
Royn havragrýnið til morgunmatin, antin kókað ella rátt.
Fæst í Miklagarði, Bónus og Mylnuni
Blæurøðin hjá Grøn Balance er til ta umhvørvistilvitaðu familjuna, sum sigur nei til ovurviðkvæmiselvandi evni og ja til bestu góðsku.
Blæurnar hjá Grøn Balance hava bæði Svanamerkið og Blaá kransin, sum er góðkenningin hjá Astma-Allergi Danmark. Blæurnar hjá Grøn Balance eru sostatt uttan skaðilig og ovurviðkvæmiselvandi evni. Tær eru bleiktar uttan klor og eru kannaðar av Varefakta, har tær liva upp til krøvini um:
Blæurnar hjá Grøn Balance hava fingið nýtt og betri snið, har minni av pappírstilfari verður nýtt, soleiðis at tær eru tynnri og meiri makligar hjá barninum at vera í.
Tú fært Grøn Balance blæurnar til góðan prís í Miklagarði, Bónus og Mylnuni.
Eitt reint heim skal ikki tyngja umhvørvið. Nógv ymisk viðurskifti kunnu gera mun, og tú kanst eitt nú nýta tíni reingeringarevni við fyrivarni.
Eitt gott hugskot er at hyggja eftir umhvørvismerkingum og nýta ósyntetisk toy, sum eitt nú bummullarklútar. Ein bummullarklútur letur ikki mikroplast frá sær og kann endurnýtast eftir vasking. Eisini er umráðandi, at skamturin er rættur. Við at nýta uppvaskitablettirnar hjá Grøn Balance, tryggjar tú tær, at tú skamtar rætt.
Hví leggja teg eftir svanamerkinum og bláa kransinum, tá tú vaskar?
Tá vit vaska okkara klæðir, kann avlopið frá vaskievninum enda í sjónum, og um skamturin ikki er heilt neyvur, kann tað eisini sita eftir í klæðunum.
Hygg eftir svanamerkinum og bláa kransinum, um tú vilt taka tær av umhvørvinum og tíni heilsu:
Góð tíðindi fyri ta vetrarturru húðina.
Brúkararáðið, Tænk, í Danmark hevur eitt yvirlit yvir ymisk bodylotion við og uttan óynsktari evnafrøði. Bodylotion hjá Grøn Balance fær ta grønu kolbuna, tí hon er uttan eini rúgvu av truplum innihaldsevnum :)
Tú kanst lesa um øll tey grønu plussini her:
https://kemi.taenk.dk/bliv-gronnere/test-kemi-i-bodylotion-2018/gron-balance-bodylotion
Tað veganska valið er ikki bara tað, tú etur.
Tann djóravinaligi livihátturin fevnir eisini um húðrøkt. Ert tú veganari ella ei, so hava vit eisini gjørt tað lættari hjá tær at velja etiskar vørur.
Hunangurin hjá Grøn Balance smakkar ikki bara væl, hann er eisini best í test!
Danska avísin Søndagsavisen metti hunangin hjá Grøn Balance at vera tann besti. Hunangurin stóð seg væl vegna sín søta, blómukenda smakk og at hann var passaliga bleytur. Bleyti hunangurin ger hann lættan at smyrja á breyði, og tú fært soleiðis ein leskiligan breyðbita afturvið einum drekkamunni.
Ver varin við at geva smábørnum hunang
Á hunanginum stendur at lesa, at ein ikki skal geva smábørnum undir eitt ár hunang. Hetta er vegna bakteriuni Clostridium botulium, sum kann vera í hunangi, og sum kann geva álvarsliga mateitran. Størri børn og vaksin kunnu uttan trupulleikar sjálvi berja bakteriunar niður við hjálp av vanligum tarmbakterium
Rættuligt breyð tørvar, rættuligt mjøl.
Tey vistfrøðiligu mjølsløgini frá Grøn Balance eru gjørd úr vistfrøðiliga veltum kornsløgum, har tað bert verða nýtt tøð, jarðbetrandi evni og sproytievni, sum eru góðkend til vistfrøðiligan landbúnað.
Tað er ikki loyvt at nýta strástyttandievni, og hugsað verður um sum heild burðardygt í allar framleiðsluni. Tað er heilt frá kornium á markini til tað lidna mjølið á hyllunum.
Tú fært vistfrøðiligu mjølsløgini frá Grøn Balance í Miklagarði, Bónus og Mylnuni.
